بمنتهى الصراحة / بقلم الشاعر الدكتور { عامر تيسير نابلسي }

بمنتهى الصراحة !!

البنتْ الّلي ما بتسحرني
ولا بتسكرني وتأسرني
والله ما رَح اخطبها
لو تدفع مهرها عنّي ...

ماني مجبور اتعلّق
بعاديّة وفيها اغرق
شايف حالي مو مصَدَّق
شَرطي تكونْ أحلى منّي ...

بضيعتنا الحلوين كتار
على ذوقي بنقّي وبختار
ما شا الله نجوم وأقمار
ملزومة تكون الأحلى ...

قول عَ جمالها يا ستّار
قمرْ وطالعلِي بالنهار
اوقع قدّامها وانهار
من نظرة عينها الكحلى ...

راح بتكون شريكة عمر
ما بدّي حسرة ولا قهر
أو ارمي حالي بالبحر
لمّا الصبح توعّيني ...

اتململ من أوّل شهر
واتندّم على حظي الدهر
صير رتّل آيات الصّبر
وادعي ربّنا ينجّيني ...

عامر ....