غلطان / بقلم الشاعر الدكتور { عامر تيسير نابلسي }

يخرب ذوق اللي قلَّك
انّو المشاعر تجرَة !
بتعطيني قد ما بعطيك
أو تكسِر فوقي جرّة ...

خليك بإحساسك حرّ
آنا بإحساسي حرّة
هيدا الشي مانو بالأمر
ولا بالتمثيل عَ فكرة ...

كلشي بهالدنيه بميزان
إلا الألفة والحسرة
في عاشق صان الوجدان
والمعشوق عينُو لبرّا ...

غلطان بربّي غلطان
لا تحطّ بقلبي جمرة
مو رجولة يصيبك الجنان
وتجيب عليّي ضرّة ...

بتدفع تمنها طول العمر
وبتقلب بيتك حسرة
قول بسرعة بعيد الشرّ
ولا بقى تحلم بالمرَّة ...

عامر ...