مش حرزانة / بقلم الشاعر الدكتور { عامر تيسير نابلسي }

مش حرزانة والله بجدّ
تبقي زعلانة هالقدّ
وحياتك ما بتحمّلْ
دمعاتك شوفها عَ الخدّ ...

روقي دخل الله واهدي
أغلى منّك ما عندي
غلطة ما بقى كرّرها
اقبلي مني وَعدي وهالورد ...

يخرب ذوقك فكّيها
صَغريها ولا تكبريها
ما راح قلّك شو فيها
ما بدّي أكتر نحتَدّ ...

الغيرة ما راح تمحيها
لكن لا بقى تزيديها
خوفي محبّتي تجمديها
وتموتي قلبي من البرد ...

عليّي ما عليّي بحبّك
راح ابقى عمري بدربك
لا تطلعيني من قلبك
الصادق متلي ما بينرَدّ ...

عامر ...