ياخسارة / بقلم الشاعر الدكتور { عامر تيسير نابلسي }

ما كان بدّي منّك شي
غير انّو نبقى أحباب
انتِ تركتيني امشي
تصرّفت متل الأغراب !!...

يا خساره .. ضيّعت الشي
الْ كان ممكن يخلينا قراب
استعجلت تنهي كل شي
وما سمعتِ كلمات عتاب ...

مش كل حلم بيتكرّر
ولا دوم الفرصة عَ الباب
نيّالْ الْ حسَبْ وفكّر
وما خلّى حبّو ينسَابْ ...

ومع هيدا انتِ بقلبي
بيقولوا الهوى غلّاب
مو خسارة فيك حبّي
ال ما بعمرُو خفّ ولا ذاب ...

بيكفيني عايشْ ذكرى
وإحساس بروحي ما غاب
يمكن نتلاقى بُكرى
ونصير يا عمري أنساب ...

عامر ...