شو كنت خسرت / بقلم الشاعر الدكتور { عامر تيسير نابلسي }

ليش وقتها سْكتّ
وما قلتلي اللّي بقلبكْ
يوم تجرأتْ
وقلتلّك إنّي بحبّك !!
أحسنلّك هيك
عم تغلي وعمْ تتشربك
وأنا قهري علَيكْ
من يوم مشِيت بدربك ...

شو كنت خسرتْ
لو ما خجلتْ وقلتلّي
يا أحلى بنتْ
ضلّي حدّي ولا تفلّي ...
ما كنت غلطت
ورميت بحالي بجازة
ولا كنت ندمت
تا اخلص منّو بصلّي ...

خجلك يا شبّ
ضيعني وضيّع حبنا
منغلط ومنقول
ليش الحظ معاكسنا
الفرصة بتروح
لو فيّها ما تعلّقنا
وكلمة نصيبْ
كل العمر بتحرقنا ...

عامر ...