نصيحة / بقلم الشاعر الدكتور { عامر تيسير نابلسي }
نصيحة ...
دوّر على نصَّك وارتاح
يا محلى النّصّ الثاني
لا تضلّك عايش سوّاح
عزّابي وعَم بتعاني ...
يا عمّي الجازة استقرار
لا تكون على نفسك جاني
والجَنّة من غير أزهار
بتملّل لو لثواني ....
مع انّو الجازة طلبات
ما بتسمع غير جيب وهات
ثلثينها نقّ وآهاااات
لكِن بتضلّها عازة ...
الزوجة بتبقى شريكة عمر
بلسم للزعل وللقهر
بتصونك وبتحفظ سرّ
لمّن تسعدها الجازة ...
مخلوقة السّت من الضّلع
ومطلوبة منّك بالشّرع
لا تنزّل من عينها الدمع
بتخلّيك والله سيّد ...
عاندها ودوقها المرّ
أو حاول تسقيها القهر
أو تعشق غيرها بالسرّ
العاهات بجسمك عدّد ...
عامر ...
تعليقات
إرسال تعليق