يا زين / بقلم الشاعر الدكتور { عامر تيسير نابلسي }

يا زين ...

كتَبتَك عَ شفافي سَطرين
ورسَمتك فوق الخدّين
من بعدَا محيتُنْ كلّنْ
وحياتك خوفي من العين ...

وبعدك يا عمري بقلبي
بروحي وجوّات العينين
آسرني وآسر حبّي
عَلى عشقي ما اختلفوا اتنين..

ما بذكر إلا اسمك
وين ما رحت وين ما جيت
مهووسة كلّي بكَسْمك
كيف ما وقفت وكيف ما مشيت..

لو قالوا جنّت معليش
تا تحبّني قدّيش حفيت ...
على قلبي عسل ومَني
ندمانة عَ حبَّك يا زينْ ...

في غيري عشقت متلي ؟
وبَنيتْ لحبيبها قصرين ؟
واحد باحساسها وقلبها
والتاني بهداب العين ؟

ارحمني ولا تقسى عليي
غرقانة بعشقي مترين
دخلك جاوبني وقلّي
مودُيني بغرامي لوين ؟؟

عامر ...