خلاص تعبت /بقلم الشاعر سعيد محمد
خلاص تعبت م الحرمان
وقلب زى الارض البور
مش كفايه كده يازمان
ابعتلى بقى حبة نور
*************
عايز ارجع لدنيا تانى
ولاقى فيها حضن كبير
يرايح قلبى اللى جفانى
وفى الحب يعيد التفكير
قربت اصرخ باعلى صوت
وقول حرام لا كده موت
امتى ياحب عليا تفوت
وتملى عليا الدنيا زهور
************
خلاص تعبت م الحرمان
وقلب زى الارض البور
************
كان فى بينى وبينك عهد
لا عرافك ولا امشى معاك
لكن تعبنى الجفا والسهد
ومش قادر اكمل وياك
سامحنى ياحب سامحنى
قرب وان شالله تجرحنى
انا راضى بحبيبى يدبحنى
بس يزور قلبى المهجور
*************
خلاص تعبت م الحرمان
وقلب زى الارض البور
تعليقات
إرسال تعليق