لا بقى تقلي / بقلم الشاعر الدكتور { عامر تيسير نابلسي }

لا بقى تقلّي استنّيني
وهانت يا عمري هانت !
فرّطت بأحلى سنيني
وشمس الفرحة ما بانت ...

رفقاتي صاروا أمّات
ولا وحدة مثلي عانِتْ !
وأنا عم دوب من الدمعات
ومن ضحكْ نيابْ الشّامتْ ...

عم قولها بقلبي غصّة
ريتها الألفة ما كانتْ !
صار وقتها ننهي القصّة
بَعد ما شموعي ذابت ...

آنا صَبرت كتير حفِيتْ
تا متقول عنّي خانت !
من مرّ الخيبات قويت
على كلمة حيّوا الثابت ...

الدنيا حظوظ ومالي نصيب
ورودي ببستانك ماتت !
عن إذنك يا أغلى حبيب
لا تجرّح خليك ساكتْ !!!

عامر ...