{ وبتسأليني } بقلم الشاعر [ محمد صلاح ]
وبتسأليني.... جبت الكلام ده منين ؟؟
اسأل كمان يا نور العين
احلي كلام يتقال وتقولو عين للعين
يحس بيه قلبين ♡♡...
ساعيتها يحلى الكلام يا سلام
وكانه..... صوت أنغام
عارف احلى كلام
بيجي منين ...
لما تلاقي دمعة عين تتقسم اتنين
لما تلاقي نبضة قلب تتقسم اتنين
واما تلاقي النبضه الواحدة
في لحظة واحدة ....
تدق في .........
قلبين ...♡♡
عايز تعرف أحلي كلام في الحب
بيجي منين..؟؟
اي لحظة حب بجد تحس بيها
سيب قلمك يكتب فيها
اى دمعة بحرقة قلب تحس بيها
سيب قلمك يكتب فيها
اي همسه .. ولمسه رقيقة
ورعشة حب تحس بيها
سيب قلمك يجري بسرعة
يجيب الورقة ... ويكتب فيها
واي لمسة أيد بتحب
على خد يوم تتمد
سيب قلمك يكتب فيها
وأما تلاقي عيون حلوه بتنادي عليها
ومش سامعاك ....
إجري بسرعة وهات قلمك
وأكتب ليها ......
و لما تحس بدنيا جميله
ماهيش سايعاك
سيب قلمك حر شويه
وأكتب فيها .....
ولما تلاقي غصن الورد
بيرقص بلدي
مع نسمة عصر رقيقة تمر عليه
سيب قلمك يعيش اللحظة
ويكتب فيها .....
واما تلاقي عصفور علي فرع الورد
بينادي وليفه ويغني له
سيب قلمك يحب الغنوة
ويغنيها ....
عرفت أحلى كلام بيجي منين
يا نور العين ...
محمد صلاح حمزة
تعليقات
إرسال تعليق