معقولة / بقلم الشاعر الدكتور { عامر تيسير نابلسي }
معقولة !!!
ما بيهمني مع مين طلعت
مين راسلت ومين غازلتْ
ولا كم كلمة حلوة قلت
ثقتي بنفسي بتكفّي ...
تفكيري أعمق بكتير
من انّي سمّيكْ الزّير
كل هيدا بعتبرُو صغير
مادام القلبْ بصَفّي !!!
اوعى تفكّر باللي قلتْ
أو تحلَم انّي تحررتْ
وحياتك راح ابقى ستّ
والغيرة نبع بقلبي ...
بتمنّاك تكون فهمتْ
على حكيي اللي هلأ قلتْ
وانسى قبلها شو اللي كذبت
بتتفادى ناري وحربي ...
بتظاهر قدام النّاس
انّي ما عندي وسواس
والغيرة ما إلها أساسْ
لكن بركانها بيغلي ...
اسمع منّي يا إبن الناس
إياك توجّع هالرّاس
لو بعرف عَ طرفي انداسْ
بخلّيك بناري تقلي ...
عامر ...
تعليقات
إرسال تعليق