عارف لمّا/بقلم الشاعرة ايمي توماس

عارف....
لما روحك تروح منك....
وتلاقيها رايحة... لحته منك...
ف.. مكان تاني خالص بعيد عنك...

عارف لما قلبك يبكي...
وهو بكل حنين وشوق ملهوف..
عشان يلقي الي بيحبه...
ويهدي من جواه الخوف..

عارف لما تشتاق اوووي
وانت عاجز حتي انك تسمع صوته
او حتي.. ف يوم تلمح طيفة

عارف لما تلاقي دايما روحك رايحه له
وحاجة بتشدك دايما ليه
بتبقي نفسك تكون وقتها  زي الطير
من غير... قيود

بتتمني تحلق في سماه
وتوصل له وتعدي كل الحدود
بس عشان روحك تحضن روحه
وتتهني بشوفته

وف حضنك تاخده وتضمة
وقتها.  ترجع لك روحك...
وحروفة تلمس حروفك

وقتها بس هتحس انك بتحب بجد
وان حبك مالوش وصف ولا حد

وقتها بس هتصدق روحك
والفرحة ملت قلبك.... واتبدد خوفك....

.الحب.. روح واحده ف جسدين....
حتي ولو البعد طال سنين....

الحب... وطن.. ومكان....
الحب.. سلام.. وامان...
الحب روح واحده ف كيانين...

#Emy#