عروس النيل/ بقلم محمود غازي درويش
--- # عروس النيل # ---
--------------------
قبل المغيب .. .. وقت العصارى
بين الشطوط .. واقف ما جارى
بعباية زرقة بينتظر .......
........... أجمل عروس
بعت النسيم للشجر .....
....... نغم اتبدر
..... على الخدود
فى غنوة غنتها الورود
..... ..... فاحت عبيييير
طارت تشّْبك من الطيور
حبل زينة و فى سماه
و كأنه فى عز صباه
الحلوة طلّْت من بعيد
لما انعزف لحن الخلود
.... .... قالت ها عود
والجو غام لكن هيام
والقلب شعلل من الغرام
كتب رسايل من الندى
شالها .. السحاب
لأجمل . . حبيب
حكمة .. قدر
وابو عباية ..بينتظر
باصص بنظره فى السما
لكنها معايا انا
جاتنا سحابة تظلنا
فرحت وباركت حبنا
بعتت رسالتى الندىٰ
مغزولة بخيوط المطر
فستان حرير ..وطرحة تُل
و تاج مزوق بأحلى فل
وآدى الطبيعة بتحتفل
والعم نيل سكره الجمال
بدماغه .. مال
تمتم .. وقال
من شاف ضياها تبر سايل
من شاف على خدودها خمايل
من شاف جدايلها سنابل
من شاف دا كله ما انشغل
من شاف قوامها اللى انعدل
لازم يميل .. لازم يميل
والعم نيل زود فى غزله
بطرف عينى بعت الومه
البسمة بانت على شفايفه
فى موجة هادية
شاور و قال لى
سلام يا صحبى
---------- ---------- محمود غازى درويش
تعليقات
إرسال تعليق