أعز الناس/ بقلم محمد صلاح حمزة

أعز الناس ....
بقول .. وبقول ...
و أغنيلك ...
يا أعز الناس ...
يا وردة بيضة وعود ياسمين
في ميه وكأس ...
يا أحلي هدية ....
بعتها .. ليا ...
رب الناس ...
ما كنت في يوم ...
أقدر أقول ...
غير أنك إحساس وذوق
وحتة ماس ...
وأشوفك غير ...
ما شافك غيري ...
أشوفك طيف ...
في ظلام الليل ...
وأيد بطبطب عليا ...
بحنيه في عز الليل ...
أشوفك دمعة علي خدي ...
تنزل سيل ...
على يدي ...
من شوقي ليكي ...
ولهفة قلبي ...
أشوفك نسمة بتعدي ...
وتيجي عندي ...
وتندي ...
نسايم فجر ...
على وردي ...
أشوفك طير بيغني ...
علي ...
عودي ...
يقولك عودي ...
لحضني ...
ومن نبع حنانك جودي ...
دا أنتي لوحدك مفيش غيرك
وفى قلبي ...
معشش طيرك ...
يا وردة على غصني ...
يا أهلي ...
وصحبتي ...
وناسي ...
تهون الدنيا ...
وكل الناس ...
وأشيلك إنتي ...
على راسي ...
محمد صلاح حمزة