وسألوا كثير/ بقلم ياسمين عبود
وسألوا كتير
منين جبتي كلام الحب
ومين علمك تقوليه
وقلبك امتى ياعني حب
ومين هو وفين شوفتيه
ماتحكيلنا
ليه عننا تخبيه
وقولي مين
من وسط الدنيا دي اختارتيه
يعيش لسنين
ف قلبك ولا تقدري تنسيه
بتسألوا ليه ماهو باين
ووشي بان جماله عليه
ف عيوني
واسمي نقشه اهو ف عنيه
فسيبوني
اعيش معاه وف اللي انا فيه
بتسألوا ليه
وكلام الحب ايه معانيه
لو متقلش بس ليه
واجيب منين
كلام ف الدنيا دي يكفيه
ماهو مني وانا منه
وبردوا ليه
واقولكوا ايه
بيلهمني
صوته وضحكته وعنيه
ونومة كفي جوه ايديه
ونبضه اللي سكن ف القلب
عشان يحرسه و يحميه
واحساسه
ونسيانه لكل اهله او ناسه
عشان جنبه انا حواليه
واقول ايه كمان
بيلهمني ف وقت جنان
ويهمسلي أنا ولهان
بيلهمني عشان انسان
بيتنفس دفا وحنان
وكلامه ياناس ف الحب
اكتب منه الف ديوان
بتسألو ليه
#ياسمين عبود
تعليقات
إرسال تعليق