مش هنغفل / بقلم الشاعر عمرو تمساح أبوسفيان
عمرو تمساح ابوسفيان
مش هنغفل
********
لو هنمشي الف ميل
لو ف صحرا بدون دليل
لو عنيكي رافضة تضحك
مش هنغفل او نميل
لو تغوصي ف بحر واسع
مش هقلب ف المواجع
لو نسيمك برده راجع
مش هسيبك او اميل
يا طيور يلى ف سماها
يا كلام الشوق معاها
يا طيور الصحرا ابقي
غردي وصيحي ف هواها
اه بحبك وانت عارفة
اوعي يوم اﻻقيكي فاكرة
ان انكر يوم جميل
بحكي كل الحكي ليكي
والكلام كله ف هواكي
نفسي اعيش العمر كله
بس اشوف لحظة رضاكي
اوعي بس حبيبتي تنسي
اللي حبك بالضمير
اللي خاف من قلبه هوه
ع الحبيب وكان يغير
********
عمرو تمساح ابوسفيان
تعليقات
إرسال تعليق