أمل / بقلم الشاعر الدكتور عامر تيسير نابلسي

أمَلْ ...

على أمَل ببكرى ترجعلي
تفرّحني لمّا تُوصَلّي
عم ادعي ربّنا عم صَلّي
ما يبقى أملي أوهام ...

مشتاقة شوفك بعيوني
حسّ بايديكْ الْ غمروني
خلّصني من نار ظنوني
حقق لي أغلى الأحلام ...

طوّلتْ الغيبة يا غالي
يا مبكّيني وشاغل بالي
يا ويلي النّطرة قَتّالِي
لعيوني ال ما فيّا تنام ...

تَعّبتْ القمر بسهراتي
ملّوا من وجعي رفقاتي
عم تغلي بصدري آهاتي
دخل الله يا حبّي ارحَام ...

ما عاد الصّبر يهدّيني
ولا عاد الأمل يقوّيني
عم تسرقلي القهرَة سنيني
يا معذّبني والله حرام 😥

عامر ...