اللي عاوز يفهم نفهمه/بقلم الشاعر مرقص اقلاديوس
اللى عاوز يفهم..نفهمه
بقلم ..مرقص اقلاديوس
.............
فيه شاب فضل يفكر
فى إجابات لأسئلة
اعتبرها هوا معضلة.
و بعدين سأل راجل شيخ
قالله يا عمى..
هوا ليه الدنيا بتدلع ناس
و تعذب ناس.
ليه كل فترة يعنى
ما تبدلش الناس.
الشيخ قالله
أهلا أهلا أهلا
خد لك مكان
فى الصف الطويل.
عاوز تفهم الدنيا يا أصيل.
يا ابنى
عيش الدنيا بدل ما تفهمها.
أصلك لو حاولت تفهمها.
ما هينوبك غير إنك
لا هتعيشها و لا هتفهمها.
لأن اللى فاهمها
الواحد
اللى بدعها و إداها
لكل اللى فيها
و اللى منها.
الحياة
اللى تعذبه من الأول
ما تدلعوش
عشان بعد ما يدلع
مش هيقبل تانى عذابها.
عموما
اهم يومين يتعذب فيهم
و بعد كدة
زى ما دخل من بابها
هيخرج برضو من بابها.
وعشان
اللى مدلعاه من الأول
ما تقدرش بعد كدةتعذبه
طب و.تعذبه ازاى
و هوا معاه كل حاجة
و فى كل حاجة
الأول مش التانى.
و اهم يومين برضو
و بعدها.كله فانى.
عاوز نصيحتى
انسى الدنيا و اللى ليها.
و فكر فى
اللى بدع كل الجمال فيها.
و اسعى و اصدق النية للخير.
و خلى تكالك
على اللى مسيرها و مرسيها..
هيديلك و ترضى.
و تنسى المدلعين.
و تكون سند للمتعذبين.
وفى الآخر
هتشترى حياة غالية
و تبقى هنا و هناك
مرفوع الجبين....
.... .ملاح بحور الحكمة
مرقص اقلاديوس....
تعليقات
إرسال تعليق