عاشت الأسامي / بقلم الشاعر مرقص إقلاديوس
عاشت الأسامى
بقلم..مرقص اقلاديوس
.........ّ.........................
الإسم أمانى ..و الدنيا أمانى
أوقات بتتحقق..و أوقات بتضيع
حتى الولادة..
شهور أمل ..و لحظة ألم
و صوت بكا..و رنة زغروتة
و ييجى للدنيا رضيع
برديس يا ربة للخصب و الخير.
و خيرك مش لنفسك..لكن للغير.
يا ريت يا غالية
تعلمى الإنسان
ازاى يعيش طير.
يطير دايما لفوق
و يبدر على البشر خير.
لما جت تهانى للدنيا
اتحققت كل الأمانى لأهلها .
كبرت و بقت عروسة و اجوزت
و اتلقت طبعا التهانى بنفسها.
و لما ولدت
احتاروا فى اسم المولودة
فأسموها على إسمها.
و اتلقت تهانى التهانى على تهانى
يا بخت تهانى الصغيرة بأمها.
ثريا معناها اللى شايلة النور
و ثريا الحقيقة وشها مننور.
الشعر ليل طويل
و الوش قمر مدور.
و العيون..آه من العيون
سبحانه من صور.
يا رب
حافظ على الجمال ده
و إديه للى يقدر يصونه
لا يغير..و لا يتحير.
جميلة تلهم اى فنان
تخليه يكتب و يغنى.
للحياة و للإنسان
و يسبح اللى خلق
من قبل الزمان بزمان.
جمال فى البشر و الشجر
و الطير و الحجر الصوان.
ناس الحنان فيها طبع
و ناس الحنان ليها غية.
و أنا ياما شرقت و غربت
ملقيتش احن من العربية.
أصيلة جليلة. عفيفة عفية.
جميلة حبيبة ..تقية نقية.
ملاح بحور الحكمة
مرقص اقلاديوس
تعليقات
إرسال تعليق