ما عرفتك / بقلم الشاعر الدكتور عامر تيسير نابلسي

ما عرفتك هيدا انتِ !
يا ويلي شو تغيّرتِ
شو حطيتِ وشو شلتِ
اسق الله الوجّ الصافي ...

مبسوط ة بكلشي عملتِ
مفكرة بحلاكِ طرتِ ؟
ع الحمرا لولا نزلتِ
بتقولي منّو كافي ...

ضيّعتِ جمالك برتوش
سابقينك مترين الرموش
والتاتو ع جسمك منقوش
والهيئة الله الشّافي !! ...

سامحيني ما بقى تظبط
اطلب ايدك واتورّط
عقلك بجمالك فرّط
هرّبني منك حافي ...

ما ني حمل العمليات
كل موضة يا روحي هات
بدي وحدة من البنات
طلباتها ع قدّ لحافي ...

عامر ...