وداع يا أمل/ بقلم محمد صلاح حمزة
وداع يا أمل وداع ...
يا كل حلم جميل فى بكرة .. وداع
وكل صوت بينادي على أمل
تاه مننا ... و ضاع
ماعدش عندنا حرفة ولا زارعة ولا صناع
وبقينا خلاص وليمة
لحبة لصوص لئيمة ينهشوا فينا
والقدس بكت حزينة
فى الشام وبغداد وليبيا وعمان
ما سبوش فى بلادنا مدينة
ما فيهاش ام حزينة وفى كل بيت أوجاع
وفي كل شبر خيانة و فى كل ركن صراع
أبكي يا دنيا علينا ...
الحلم ضاع بإدينا وكل شئ إتباع
هدموا بيوتنا علينا وبقينا عايشين فى خيام
وولادنا صبحوا جياع
قسموا أرضنا عليهم
وصبحنا ورق فى إيديهم
فريسة نهشها سباع
ماعدش فينا الفاتح ولا صلاح الدين
وبقينا كلنا أتباع
ناكل لحوم بعضنا وكأننا ضباع
حتى كورتنا حزينه وكله رجع بهزيمة
لا نخوة ولا عزيمة...
ما خدنا إلا صداع ...
محمد صلاح حمزة
تعليقات
إرسال تعليق