بركان الحب / بقلم الشاعر الدكتور { عامر تيسير نابلسي }

شو بدّك توصِف وتقول
بعد اللي وصَفوه وانقالْ ؟؟
عن نار وبركان الحبّ
والآهة الْ صَارت موّال ؟؟...

يمكن تجربتي أوفى
أحاسيسي ما تشيلها جبال
يمكن كلماتي أدفى
وصدقي فيها ما لو مثال !!...

أشعاري مراية حبّي
بتوصفني بكلّ الأحوال
شريكة أفراحي بدربي
والدّمع الْ عا خدّي سالْ ...

وراحْ يبقى بالحبّ إشيا
مهما وصفنا ما بتنطال
مخبّاية بين القلبين
ما بتخطر أبداً عا البالْ ...

كل واحد فينا شاعر
إذا قلبُو للهوى مالْ
بيصير ينبضْ مشاعر
ما بتتقدّر بكنوز المال ...

عامر ...