نهضة مصر / بقلم الشاعر { وحيد محروس }
نهضة مصر
نهضة مصر دي حاجة عظيمة
قوموانبني ويعلي البنيان
نعمل حاجة عليها القيمة
تشرف مصر في كل مكان
قوم ياعامل قوم يامهندس
خلي توكالك علي الله
إرسم خطط يالا وهندس
إيدي في إيدك نبني حياة
ويالا ياصانع عمر وإصنع
دورك مهم وصعب أكيد
والفلاح يالا إحرت وإزرع
خلي الخير في بلدنا يزيد
والاستاذ يالا إطرح وإجمع
وعلم نور في إلأذهان000
نهضة مصر دي حاجة عظيمة
قوموانبني ويعلي البنيان
نعمل حاجة عليها القيمة
تشرف مصر في كل مكان
وإنت ياإبني ذاكر وإتعلم
علشان بكرة يكون ليك دور
وبكل لغات العالم إتكلم
وأشوفك ظابط أو دكتور
عايزين بلدنا بينا تتقدم
وتبقي جنة من الرحمن000
نهضة مصر دي حاجة عظيمة
قوموا نبني ويعلي البنيان
نعمل حاجة عليها القيمة
تشرف مصر في كل مكان
الله علي المصري وجماله
وقت المحنة دمه خفيف
شاكر المولي وراضي بحاله
صافي القلب وطبعه عفيف
ولايشتكي يوم مهما جراله
ومعدنه وقت الشدة يبان000
نهضة مصر دي حاجة عظيمة
قوموا نبني ويعلي البنيان
نعمل حاجة عليها القيمة
تشرف مصر في كل مكان
(وحيد محروس)
تعليقات
إرسال تعليق