قطر الموت /بقلم الشاعرة نهلة علي الديب
قطر الموت
---------------
يا قطر المووت .... وقَّف ..... !!!!!!
ماالك ... جاى علينا سريع
واخد ف وشك ولا هامك
وسرعتك ولا الريح
خدعت ركابك ....
حجزوا لأماكن قريبه
وديتهم .. بعيييييد
بدون تصريح ...
كتمت صوت صفارتك
وفجأه ...
صرخت صرخة وكأنك دبيح
حتى الحديد اتألم
عينى على رُكابك
الكل مات ... بدون ما يتكلم
وكأن بينك وبينهم طار
ولعت فيهم
والدور بدأته هزار
حبيت تهددهم
وما اتحموا لك نااار
أعذرنى ياااقطر
ماالك ذنب فلموضوع
متحمل وشايل ..
وحديدك م الصدا موجوع
حتى الحريق صابك
وحولك خرده ...
ولا تنفع كمان للبيع
زيك زى غيرك
.حقهم ضااع ..
زى ما حقك أكييييد ..... هيضيع
ولو يفصلوك بجنيه
هتلاقى ألف يبيع
نهله على الديب.
تعليقات
إرسال تعليق