قلبي دق/ بقلم الشاعر/ صبري رسلان

قلبي  دق 
.................
ما خلاص نسيت
             نظره عينيك
غدرك  وصل   ..
          والبعد بينا ساب
معاه جرح وأثر
بشكيك يا  همي بالدموع
وبخبي  وجعي  في الضلوع
أوقات  لا حاسه بأي نوع
راح  فين  الغرام   .
لا  دق قلبه  .. 
          ولا همس روح
كل اللي بينا  صابه  البرود 
مش  باقي في الورده  إلا  عود
دبليت  خدودها  فى الانتظار
صابها  الجفا  مات  الوصال 
لا الفكر  رجع 
            شوق  هناه 
ولا حاسه  قربه  ولا ليل لقاه
بلوم  في حالي  يمكن نسيت
صديت  غرامه 
             وأنا   أبتديت
هلبس له توب فرحه سنين
وأفرد  رموشي قناديل حنين
وهقول  أصلحه 
             وأبدا  كلام
وعتاب وكلمه ييجي الغرام
لا طلت  بسمه   ولا حتى همسه
وجدار  وداده 
           بان شرخه ساب  ..
أمنت لك  إحساسي  داب
جفت  ورودي في بحور  عذاب
شوقك سنين 
              جوايا  غاب   
والنسمه بينا لها 100 حساب      
إزاي  في يوم كنا  أحباب   
ما خلاص نسيب
             عمري اللي غاب
والجنه  نار  وقربك  عذاب
لا عاد يفيد بينا العتاب
وأهو قلبي  دق
            ومن غير  حساب
بقلم  .. صبري رسلان