خلاص بطلت أحبك/ بقلم الشاعر السيد محمود

## خلاص بطلت أحبك ##

خلاص بطلت أحبك لما لقيتك
عايشة لنفسك و غير نفسك
مفيش

خلاص بطلت أحبك لأنك صفر
و انتي عارفة الصفر أصلا ما
يساويش

في عز صمتي كل حتة مني
كانت بتصرخ بحبك و ليكي
أعيش 

ساعات بتكوني تستاهلي و
ساعات كتير ما تستهليش

ساعات بتكوني ليا و بتاعتي
و ساعات بحس أني فيكي
مليش

يا جنية و خطفاني بشوق و
محبة مليانة و ساعات فاضية
و حب مفيش

ساعات بتلحي و بشدة و
عايزاني و قصة حب مجنونة
انا و انتي و غيرنا مفيش

و ساعات كتير نسياني ما
فكراني و كأن أسمي على
بالك مبيعديش

انا ضحيت عشان أشوفك مرة
بتضحي لكن عايشه لنفسك
مبضحيش

انا اللي اديت و مخدتش و لو
فيه يوم بنتعاتب كلمة وحيدة
بسمعها مأخدتيش

فاكرة كلامي و كلامك ، بيا كنتي
مجنونة و مفتونة و كلمة وحيدة
بسمعها متخنيش

حبيبة و كنتي تستاهلي لكن
خنتي كفرتي بكل أحلامنا و
الكافر مبيصليش

أهو أنتي اللي بتخوني و نبتة
حبنا بتموت كانت بالحب مروية
و بيكي انتي مش هتعيش

يا جنية انا أنسي ، حياة الأنس
عجباني و تحت البحر عمري ما
أعيش

بقلمي

السيد محمود
15 / 10 / 2018