شيء انكسر بقلم الرائعه : ياسمين عبود
معرفش ايه بينا حصل
في شئ اكيد فينا انكسر
كلامنا باهت مختصر
سيف الملل
بتر شغافنا وانتصر
طب ايه حصل
أنا قلبي جوايا اتعصر
حيرانه فيه
جواه احاسيس زي المطر
خايفه عليه
مخنوق وحاسس بالضجر
طب ايه حصل
فراقنا اصبح محتمل
والشماعات اتجهزت
واحده النصيب واحده القدر
ومن بكاه قلبي انفطر
مش ع الفراق
او م اشتياق
لكن عشان بحبك جوايا كفر
نزلت دموعه واعتذر
وده مش نفاق
ومتفتكرش انه غدر
لكن في شئ بينا انكسر
وليل سهرنا منطفي
غايب عن ليلنا القمر
وقلبي اللي مكنش
من غرامك يكتفي
ع طول بعادك ليه صبر
ده مكنش ذنب يغتفر
ايه انكسر
قلبك ليه صابه البرود
اصبح حجر
حساك غريب
وكل شئ اصبح كئيب
حتى الندى
شيفاه دموع فوق الشجر
ايه انكسر
#ياسمين عبود
تعليقات
إرسال تعليق