مغرمة / بقلم الشاعر الدكتور { عامر تيسير نابلسي }

مُغرمة ...

وكْ ايه هيدا هوِّ يا ناس
اللي مجننلي عقلاتي
ومعبّى حبّو هالرّاسْ
والله يجير من الآتي ...

مجنونة وحبّت مجنون
سَبحِت مع موجُو العاتي
ولأنو مجذّب ملعون
بخبّي عنو رفيقاتي ...

بغار وما بدّي إنهار
وتجرح قلبو كلماتي
يا ويلها الْ بتشعلل نار
وتقطع حَبْلُو بمرسَاتي ...

الدنية معباية برجال
روحوا قلدوا حركاتي
بطّلوا حسَد وقيل وقال
بتتعلموا من حكياتي ...

عامر ...