يا خيي / بقلم الشاعر الدكتور { عامر تيسير نابلسي }

يا خيّي ...

روق وهدّي أعصابك
كرمالي .. طرّيها شَوي
عم بتقطِّع بحالكْ
وعم تحرق قلبي يا خيّ ...
ما بتستاهل كلّ هالقدّ
يبقى حزنَك فيها حيّ
مهما يعلى بوجّنا السّدّ
لا تنسى تا يحمي المَيّ ...

ما بتضيق إلا بتنحلّ
ربّنا هيك مواعدنا
اوعى تستسلم وتملّ
منكون ألطافو خسرنا ...
ما حدا خالي من الأوجاع
المصايب تا تعلّمنا
والصابر حقّو ما ضاع
ربّنا قادر يكرمنا ...

لا تفكّرني عم نظّر
عليكْ ومشْ آكل همّكْ
أو لحظة عنّك قرّر
شو اللي تقولوا من تمّكْ...
بس خوفي يا خيّ عليك
خلّاني آكُل همّكْ
بالآخر كلنا حواليك
تا يبقى مشرّف اسمك ...

عامر ...