يا دهر / بقلم الشاعر الدكتور { عامر تيسير نابلسي }

بيكفّي تغيّر فينا
يا دهر وتقسى علينا
ما بقى شي بيجمّعنا
أو إحساسْ بيعنينا ...

أوّلها قتلتْ الرّحمة
وتانيها سحبت البَسمة
وتالتها وسط الزّحمة
انسرقت منا مبادينا ...

لا الصاحب ضلّو صاحبْ
ولا الغالي اللي بيعاتب
خلّيتْ السّارق سايبْ
والدّون يمنّ علينا ...

خفّ علينا لحظة عمر
وارحمنا من كتر القهر
دمعتنا ما عادت سرّ
بس الله العالم فينا ...

عامر ...