اشمخ ياشعبي/بقلم الشاعر المبدع محمود شبيب
صباحكم مقدسي ابي وجمعتكم مباركه
===
اشمخ يا شعبي وارفع جبينك
ما خلق يللي بنيته يهينك
صامد بوجه الظلم والطغيان
وحدك القابض ع زند دينك
واقف لوحدك ضد هالطوفان
في القدس في درة فلسطينك
القدس هي الدم بالشريان
من دونها بتنشف شرايينك
بالصبر والتقوى وبالايمان
لا تلتفت ع شمال ويمينك
لا تتكل ع امة العربان
عنك تخلو ع مدى سنينك
نسيوك دوما خارج الحسبان
وما فكرو لحظه بتمكينك
دافع عن الاقصى بعنفوان
رب السما يحميمك ويعينك
بالروح جود كرامة الاوطان
دم الشهاده دم تكوينك
بالعز موت والبس الاكفان
ولا تعيش بمذلة عدوينك
وصمودك سلاحك بهالميدان
وعلمك يا شعبي زاد تحصينك
مثلك بهالدنيا ما في انسان
تراب الوطن اغلى محبينك
اشمخ يا شعبي وارفع جبينك
ما خلق يللي بنيته يهينك
=== محمود شبيب ===
تعليقات
إرسال تعليق