حبك صالحني/ بقلم الأستاذ/ محمد صلاح حمزة
حبك صالحني ....
حبك صالحني مع الأيام
ورجعلي الضحكة من تاني
أفرح وأنا المحروم
والبعد عنك بكاني
ولما هواك ...
عطف على حالى
ونساني أحزاني
مسح من عيني دمعة
سكنت سنين في أجفاني
وقاد لي في ليلي شمعة
وطبطب على قلبي
وقال مليش غيرك حبيب تاني
حبك نساني الوجود والناس
وملك قلبي وكياني
أشرب من إيدك كاس ...
يروي عطش قلبي وحرماني
وأعيش معاك إحساس
عمره ماحسيته ولا جاني
أشتاق إليك .. وأسهر
وبنظرة عينيك .. أسكر
ودنيتي بيك تكمل
وأعيش معاك أحلام
حسبتها أوهام
وأتاري الحقيقة أجمل
حبك صالحني مع الأيام
وسامحت الزمن بيك
ورضيت بالقرب منك
وبيك إكتفيت
ولا شوقي خلص
ولا أنا رضيت
ونسيت .. نسيت
.... ظلم الهوى ليا
وقسوته وغدره
حتى الزمان نسي
نسي كمان طبعه
.... ونور لياليا
أفرح و الدنيا ضحكالي
وكأني ما دقت في يوم
.... غدر الزمن بيا
حبك صالحني مع الأيام
ورجعلي الضحكة من تاني
أفرح ...
والضحكه من قلبي
والدنيا عاجباني
محمد صلاح حمزة
تعليقات
إرسال تعليق