انس ياقلبي/ بقلم الشاعر محمد صلاح حمزة
إنس يا قلبي ....
اللي كان
وأنس اللي راح
و انساني
وانس الزمان اللي ضاع
وأنس اللى خان
واللي باع
ورجع الأمل من تاني
تهجر وتبعد
ويجيبك الشوق
من تاني
تسكن بين ضلوعي
وتجري في شرياني
ومهما تحاول
لا في يوم ح تقدر
ولا عمرك ح تسلاني
سهران يا ليل
وليلي طويل
بنادي عليك
وكل النجوم سمعاني
وتبكي يا ليل
على حالي
ويذيد معاك وجعي وآلامي
ودمع العيون نار
وجمرها
ساكن في أجفاني
عايش على أمل
أصعب عليك
وترق لحالي
ترجع في يوم
وتجيني من تاني
تشوف دموع العين
وتحس بحرماني
ونرجع الزمن الماضي
ونقيد الشموع من تاني
محمد صلاح حمزة
تعليقات
إرسال تعليق